當你在鴨寮街，買了幾十隻黑膠，兩手拎著幾個膠袋，還要搭車番歸，都幾論盡。 睇下！網主，就輕鬆得多。
這個Esprit袋，網主已經用了兩年，擔得重任、經得起風浪，走遍港、九、新界，遠走台灣、東京。 2002年7月，網主也曾到過台北西寧電子廣場，小宋的"LP專賣"店啊！。
這個袋，塞滿了八個盒裝黑膠，內有三十張以上的唱片。 。網主是在新元朗中心的Esprit outlet，用了百幾蚊買。 因為想推薦給網友，上星期四，趁著睇HiFi Show經過尖沙咀Sheraton地庫的Esprit outlet查問。對不起，停產了！
係！聽到你們的噓聲喇！ 網主就梗係仲有野介紹，先出哩頁紙。 各位觀眾！三十蚊一個！Esprit 環保黑膠購物袋－－＞ 唔買都睇下！網主都執番個！ 下次買碟，好豪氣咁話"咁駛膠袋！有冇現金回贈？" 你俾人打，就唔關我事喇！

Lee HC　(29.Oct.02)